Sesion di Cultura, Arte y Literatura (SKAL) dianan 18 i 19 di november ta organisa un competencia pa alumnonan cu ta bishita e diferente acogidanan despues di scol contesta pregunta tocante historia y cultura di Boneiro. Ta trata aki di e asina yama ‘Quiz’.
Teniendo cuenta cu e reglanan pa evita cu e virus di corona ta plama, e aña aki SKAL ta organisa e ‘Quiz’ na un otro manera. E cantidad di personanan cu por ta presente durante e actividad di SKAL ta limita.
Cada Acogida ta scoge un alumno for di grupo seis te cu ocho. Asin’ey ta completa un total di tres alumno pa acogida. Lo transmiti e concurso di competencia via yama “LiveStreaming”. Tur Acogidanan Despues di Scol (NSO) por participa activamente pa medio di un plataforma virtual, mientras cu lo tin premio pa e acogidanan cu ta sigui nos virtual.
Un concurso asin’aki ta yuda amplia conocemento di e alumnonan riba tereno historico y cultural. Pues no ta solamente un concurso pa gana premio. Mas importante ta pa haci e participante mas sabi.
Sesion di Cultura, Arte i Literatura ta spera di por conta cu e cooperacion di cada Acogida despues di Scol. SKAL ta trahando pa conservacion, adelanto i desaroyo di nos Cultura, Arte y Literatura pa Boneiro.
