Huesnan di Amsterdam a yega na un acuerdo pa impone castigonan mas halto pa personanan cu a ser declara culpabel di delitonan cu arma, esaki ta locual AD a bisa.
E obhetivo, e corant a bisa ta pa haci un declaracion despues di un serie di incidentenan violento den e capital Hulandes. “Tabata hopi hincamento y asesinato den ciudad y e hendenan ta mas dispuesto pa uza handgranaat”, e Vocero Domien Huijbregts a bisa e corant.
“Pa e motibo aki nos kier duna un señal cla cu esaki ta completamente inaceptabel”. E sentencianan pa delitonan di arma, cuchiu of handgranaat den e capital Hulandes por bira cuater biaha mas halto cu den otro partinan di e pais, segun e corant.
Esaki ta nifica cu si un persona wordo gara cu un arma di candela nan lo ser encarcela cu un sentencia recomenda cu ta tres luna. E Huesnan di Amsterdam por sigui nan mes un caminda den esaki, e Vocero di Conseho di Husticia a bisa AD. “Nan ta completamente independiente”.
