(AP) – Un hues Argentino a confirma cargo contra 5 persona en conexion cu e morto di Liam Payne, un ex miembro di e grupo One Direction y a pidi detencion preventivo pa dos di nan cu a provee e difunto cu droga.
Un oficial a bisa cu e otro persona tabata un waiter cu Payne a conoce na un restaurant. E ofocial, ken a pidi pa no ser identifica, a bisa cu ambos ta enfrenta cargo di provee droga y nan tin cu presenta nan mes dilanti hues.
E hues tambe a acusa 3 otro persona cu homicidio, incluyendo un negociante cu tabata cu Payne na Argentina y 2 manager di e hotel. E oficial a bisa cu nan a ricibi ordo di no ser deteni como prevencion.
Den november, e fiscalnan a cuminsa cargo contra 3 persona, sinembargo nan no a revela nan nomber.
Payne a cay for di e balcon di su camber riba e tercer piso di su hotel na Palermo, den e capital Argentino. Su autopsia a bisa cu el a fayece a causa di varios herida y sangramento externo. Fiscalnan tambe a bisa cu Payne su examen di toxicologia a demostra cu su curpa tabatin “rasgo di alcohol, cocaina y un medicamento receta” den e momentonan prome cu su morto.
Payne su autopsia a demostra cu e heridanan no a ser causa ni pa su mes ni tampoco pa intervencion fisico di otronan. E documento tambe ta bisa cu e no tabatin e reaccion di proteha su mes den e caida, cual ta sugeri cu e tabata inconsciente.
Fiscalnan na Argentina tambe a descarta e posibilidad cu Payne su fayecimento tabata un suicidio.
