Ayera tardi mediante un comunicado di prensa Ministerio Publico (OM) a informa cu hues a dicidi pa pone tur dos sospechoso cu tabata den detencion preventivo den e caso di e maltrato na creche, den libertad condicional entrante ayera 5or di atardi.

Ta trata aki di e caso cu recientemente a bira viral ariba rednan social na unda a traves di videonan cu tabata cricula por a mira con leidsternan di e creche Pasa Pret Pasa Dushi situa na Wayaca tabata maltrata e muchanan cu ta atende e creche.

E mesun creche aki ya caba tabata den noticia dos aña pasa caba na momento cu un baby di apernas cuater luna a fayece sin splicaicon concreto di kico por a pasa.

Ministerio Publico a sigui indica den su comunicado cu despues di studia e decision di hues, nan a dicidi pa bay den apelacion. No a duna mas detaye.

E comunicado ta menciona tambe cu un di e sospechosonan cu tabata deteni, a wordd entrega mes ora na Warda nos Costa mirando cu e persona aki tabata trahando na e creche en cuestion di forma ilegal.

E caso aki a ricibi hopi atencion y a genera hopi reaccion den pueblo di Aruba. Hopi ciudadano a expresa nan disgusto, nan frustracion y nan tristesa pa mira con muchanan inocente ta sufri na man di e mesun hendenan cu supuestamente mester eherce nan trabou di cuida y proteha nan.

Den un di e videonan cu a wordo graba na e creche por mira con un leidster ta bañando un mucha chikito, pero ta keda muha e mucha cu slang na su cabes y na su cara, mientras e mucha ta yora y grita.

Den otro video por mira con e leidster ta sera un mucha den baño mientras e baby ta grita y yora paden, pero e leidster no ta haci nada, y den otro video por mira con e leidster ta laga e babynan

chikito keda grita y yora mientras nan ta riba cama y e no ta haci nada.

Apart di e videonan aki, tin un voice note tambe ta circula na unda un leidster ta informando otro

persona cu un di e muchanan ta haci hopi mala mucha y no kier keda keto.

“Mi a pone den e stoel bruin, el a baha for di e stoel. Mi a pasa awa riba su cara, mi a pone sinta den e stoel y eynan el a keda, pero mi a pase un slof na su chan chan y eynan el a medio calma,” por scucha e leidster bisa den e voice note.

E decision di hues pa laga e sospechosonan den libertad condicional tambe a ricibi atencion. Ciudadanonan ta disgusta y ta sinti cu un biaha mas e sistema hidicial di Aruba ta faya e muchanan.