Corte den Prome Instancia a condena mas cu 20 persona pa no haci aangifte of no a haci aangifte dentro di e terminonan indica di Inkomstenbelasting/Premies Volksverzekeringen pa 2011 y/of 2012.
Tur multa conta hunto, e suma total ta yega 57.000 florin, di cual 16.000 florin ta condicional. Den algun caso e multa tabata parcialmente condicional.
Esaki Ministerio Publica a informa. Diahuebs a tuma luga e ‘belastingzitting’, e prome den su clase. 21 persona mester paga multanan di 3000 florin of menos.
OM tambe ta informa: “Ministerio Publico lo, den dialogo cu Directie Belasting, hiba un maneho mas stricto ainda pa loke ta persecucion di sospechosonan cu no haci aangifte of no haci aangifte dentro di terminonan y viola e reglanan di belasting. Periodicamente lo tene tratamentonan tematico den Corte. E intencion ta, den contacto estrecho cu Corte, pa aki tres pa cuatro luna bolbe tene otro belastingzitting.”
