Comisario di polis na Malaysia a bisa cu detective nan di UK no tabata por a ofrece suficiente informacion pa nan por a investiga un caso di pedofiel envolviendo Richard Huckle.
Respondiendo na preocupacion nan cu Malaysia a faya den actua den un tip-off den 2014, Khalid Abu Bakar a bisa cu polis di UK no por a ofrece informacion detaya pasobra Malaysia ta reserva e castigo di morto. ”Esaki tabata nos obstaculo di mas grandi ora ta trata cu paisnan Europeo, pa ley, nan no por coopera cu nos pasobra nos ta ehecuta castigo capital” , Khalid ta bisa.
”Ora cu e caso aki a bay corte, nos tabata sa cu tabata tin 23 victima, y cu e ta envolvi nos cuidada no nan y solamente asina nos por a actua riba dje y busca nan. Awo cu e caso a termina, mi ta spera cu autoridadnan no sigui sconde ningun tipo di informacion for di nos”
Den 2011 e ‘Foreign & Commonwealth Office” a set un strategia pa elimina e castigo capital den otro pais nan cu a adverti cu asistencia policial na estado nan cu ta retene e castigo penal di morto lo wordo restringi. Huckle, 30, a wordo duna 22 sentencia di bida despues di a admiti di 71 cargo di abuso sexual contra mucha entre aña nan di 6 luna te 12 den Malaysia y Cambodia. E la wordo describi door di National Crime Agency Spokesman, Matthew Long manera un di ”e pedofiel nan di mas manipulativo & determina cu mi a yega di atende cune”
Den capital di Malaysia Kuala Lumpur, un organiscion cu no ta cay bao di gobierno a lanta pa
cuminsa duna charla nan y workshops tocante abuso sexual di mucha den un di e comunidad nan di India cu tin mas pobresa cu ta frecuentemente sufri di e problema nan aki.
E la tuma siman nan largo pa convence e 200 famia nan den e comunidad pa laga nan yiunan pa tuma parti di esaki.
Fuente: Sky News
