Pa medio di esaki Aruba Airlines ta clarifica e situacion di e compania y contraresta informacion incorecto cu ta circula den media. Ta corecto cu tin un disputa entre e accionistanan. Esaki a trece cun’e cu un caso sumario a wordo entrega y e peticion pa e Hues tuma decisionnan provisional a wordo trata inmediatamente riba diaranson 10 di februari 2016 y pa 5.00pm Hues a tuma su decision den bienestar di e compania.
Hues a dicidi cu desde e momento di e decision (10 februari 5.00 pm) sr. De Swart y Valles ta suspendi y cu no ta autorisa pa tuma decisionnan den nomber di e compania. Tambe Hues a dicidi pa nombra sr. Hubert Zievinger inmediatamente como director interino cu tur poder cu un director tin como director segun statuto. Es decir cu desde momento di e decision solamente sr. Zievinger ta autorisa pa representa y tuma decision den nomber di Aruba Airlines. E nombramento di sr. Zievinger como director ya a wordo inscribi na Camara di Comercio.
Hues a tuma e decision aki pa trece trankilidad pa Aruba Airlines, su personal y e clientenan di e compania. Cu e decision aki ta garantisa cu Aruba Airlines por sigui traha trankilo. Aruba Airlines tin tur e confiansa den e futuro di e compania.
Aruba Airlines a tuma nota cu den prensa un di e partidonan ta duna informacion negativo cu lo no paga e seguro di e avionnan. Aruba Airlines ta informa cu e seguronan di e avionnan ta paga y lo no caduca. Aruba Airlines ta lamenta cu awo ta purba di bringa e bataya den prensa y asina perhudica e compania y e 147 empleadonan. Aruba Airlines ta sigui su rumbo cu confianza bou di e maneho di sr Zievinger.
.jpg "Philipine van Aanholt 26 luga prome dia Laser Radial Weganan Olimpico")
