Hubert Dirksz di FTA: E forma cu a retira Ramsey Acosta for di Hunta di Supervision di APFA no mester a bay asina

E manera con e representante di sindicatonan di APFA a wordo retira for di e Raad van Toezicht di e instancia, no mester a bay asina,
segun presidente di FTA, Hubert Dirksz, el a splica cu durante un reunion cu nan a asisti hunto cu otro sindicatonan na APFA, a wordo
menciona cu esaki por a wordo preveni, pero nan no a preveni esey y tur e proceso a keda cuestionabel y ta trece basta duda cerca e
sindicatonan.

Awor aki di parti di APFA ta trata pa remedia e asunto. Ta trata pa
tin un miho relacion y ta purba di discuti riba e reglanan. E
sindicatonan lo bay haya presentacion di tur e reglanan cu tin, cu a
wordo renoba cu exigencianan nobo di parti di Banco Central y esey lo
haci cu e preocupacion cu FTA tin, ta boga pa mas transparencia, mas
comunicacion y pa kita e duda y desconfiansa na momentonan aki pa pone
tras di lomba.

Ta spera cu di parti di APFA y di parti di e sindicatonan y tambe e
dunadonan di trabao, por yega na otro na un bon entendimento cu loke
a pasa aki, no ta ripiti.

Sindicatonan ta scoge y nombra nan representante, basa riba e
reglanan, esey ta e decision cu a tuma caminda cu nan a cuestiona y
tur cu esaki a yega te na corte, tin sentencia riba dje. Ta straño si
cu decisionnan ta wordo tuma pasobra e peso di e decision ta e
conflicto di interes. Pero e conflicto di interes tabata conoci for di
comienso. E conflicto ta cu Sr. Acosta ta director di Volks Crediet
Bank. Ta mustra cu tabata tin un otro cos cu a pasa y no kier papia
riba dje.