(CNET) – Anuncionan di gigantenan den tecnologia ta kitando empeladonan for di trabao ta biniendo for di tur banda den e sector for di companianan manera Facebook, Google y Twitter.
HP, ken tabata un di e creadornan di computer mas grandi mundialmente, a bisa cu tin plan di corta entre 4,000 pa 6,000 trabao pa fin di su ana fiscal 2025, haciendo esaki e gigante den tecnologia mas recien cu lo retira miles di empleado den respuesta na un incertidumbre economico cu ta keda crece.
E anuncio aki, cual e compania a anuncia cu un disminucion di 11 porciento den nan benta, a bini un luna despues cu e vigilantenan di e industria IDC y Gartner a adverti cu e demanda pa computer ta bahando na e averahe mas lihe cu a mira den decadas. “Nos ta pensa cu na e punto aki e ta prudente pa no asumi cu e mercado lo cambia durante 2023,” hefe ehecutivo Enrique Lores a declara na The Wall Street Journal den un entrevista.
HP su declaracion ta haci e compania esun mas recien entre gigantenan tecnologico cu ta haciendo recorte di empleado como respuesta na un economia cu ta birando cada biaha pio, marca pa e inflacion cu ta keda aumenta y a causa daño na e demanda pa cierto productonan y a causa disminucion den benta. Otro nombernan grandi den tecnologia manera Meta, Alphabet, Intel y Apple tambe a corta nan empleadonan despues di a aumenta esaki rapidamente durante e pandemia. Twitter tambe a corta un gran parti di su empleadonan despues cu Musk a tuma over e compania.
Creadornan di computer manera HP a ricibi golpi particularmente duro despues cu demanda a aumenta di personanan actualisando of cumprando miho computer na cas pa trabao of scol durante e pandemia di coronavirus. E unico compania cu aparentemente no ta sufriendo hopi golpi ta Apple, cual te ainda ta reporta bentanan record mirando cu te ainda tin lansamento di productonan nobo y sumamente anticipa pa e fanaticonan.
