(TMZ) – Howie Mandel ta contento di sali for di cuarentena despues cu el a keda contagia cu COVID, sinembargo e ta bisa cu e tempo cu el a pasa den esaki a pone su persona bira loco, y ta pensa cu e vulnerabilidad tocante bo salud mental ta importante awo mas cu nunca.
Howie a expresa riba diaranson na TMZ Live tocante su lucha intenso cu e virus, cu cual el a contagia durante su prome salida publico, Kids Choice Awards.
E ta laga cla cu e sintomanan fisico no tabata malo, pero e daño colateral haci riba su salud mental tabata grandi. Howie ta un persona cu ta boga pa papia tocante e problemanan aki, y definitivamente esaki a yuda su persona navega e tempo aki.
Ademas di su propio luchanan, el a perde varios amistadnan y leyendanan den comedia e aña aki, incluyendo Bob Saget, Louie Anderson y Gilbert Gottfried. El a expresa cu e ta hopi dificil pa procesa esaki, pa motibo cu tur e hombernan aki a crece y lanta hunto tempo cu nan tabata hoben, y awo varios di nan no tey mas.
