Hotel banda di aeropuerto spera pa ta cla aki 2 aña

Aruba Airport Authority N.V. (AAA) ta trahando di serca cu desaroyadornan di hotel riba un facilidad plania pa un area habri na e parti oost di aeropuerto cu ta wordo spera di keda cla den aproximadamente 2 aña.

E planificacion y discucionnan entre AAA y e propietarionan di e hotel a cuminsa di trempancaba pa sigura cu e facilidadnan nobo lo ta bon pa e hotel y pa aeropuerto: “Nos ta kere cu e desaroyo di e tereno pega cu aeropuerto pa un hotel nobo ta un bon proposicion di negoshi, y nosta kere cu un facilidad asina lo sigui mehora e experiencia di e pasahero cu ta haci uso di nos aeropuerto” asina CEO di AAA Sr. James Fazio a bisa.

AAA ta spera di por sigui reuni cu e desaroyadornan pa por traha di serca riba por ehempelconcepto di disenjo, desaroyo di e negoshi, e cambionan pa trafico, seguridad di avionnan y polisanan di trafico pa yega aeropuerto.

E desaroyadornan ta plania pa ofrese servicio- y facilidadnan adicional manera espacio pa oficina comercial, espacio pa reunion y tene conferencia, como tambe opcionnan pa come y bebe y otro posibel servicionan pa complimenta e facilidadnan existente na aeropuerto. E discuucionnan habri entre aeropuerto y e desaroyador di hotel ta enfoca pa defini e servicionan aki, protehando e inversionnan financiero di aeropuerto y formanan di genera entrada, y identifica servicionan cu ta duna mas balor pa tanto aeropuerto y e hotel. “Nos ta hopi contentocu e cooperashon y animo di tur envolvi pa traha hunto riba e proyecto aki. E colaboracion pa planifica asina trempan lo tin un impacto positivo riba e exito di e facilidadnan nobo di e hotel” segun CEO di AAA.

Fuente informacion comunicado AAA