(NLTimes) – Varios hospital ta enfrenta e problema di pashentnan cu no ta cumpli cu nan afspraaknan of ta cancela esaki na ultimo momento. Esaki ta representa un perdida grandi di placa y pa combati e problema, e hospitalnan na Hulanda ta depende riba mensahenan di recordatorio via telefon of email. AI awo tambe ta den uso pa por calcula cua ta e pashentnan mas probabel di cancela un afspraak.
UMC Groningen por ehempel, tin te 1.6 miyon afspraak pa aña di cual entre 24,000 pa 37,000 ta keda cancela. E causa di esaki ta cu e pashentnan no ta presenta na e afspraak stipula. E afspraaknan cu keda cancela cu notificacion poco prome no ta inclui den e calculacion aki. “Esaki ta un problema cu tin hopi tempo andando, na tur hospital,” vocero Lex Kloosterman di UMC Groningen a conta RTL Nieuws. “Nos tin hopi pashent y afspraaknan cu ta costa nos placa. Pa motibo aki nos ta mira e situacion di un punto di bista critico.”
Varios miyones di euro ta e gasto di hospitalnan pa aña a causa di afspraaknan unda e pashentnan no ta presenta, segun Kloosterman. Ademas, e buraco den e schedule causa pa e pashentnan cu no presenta tambe ta un oportundidad perdi cu por a usa pa atende otro pashent cu mester di e ayudo.
