Ayera atardi durante un conferencia di prensa di Gobierno di Aruba, Gina Maduro di sindicato ABV a expresa cu hospital Dr.Horacio Oduber ta bon prepara cu material, ekipo y personal.
Maduro a duna di conoce cu empleadonan di hospital ta bon ekipa y bon ekipa, pa e motibo aki el a menciona cu no mester tin panico den comunidad. Asina tambe a recorda cu nan tin suficiente material pa loke ta trata e virus covid-19.
Di mesun manera, el a comenta cu e nivel di e crisis ta depende di e comportamento di e hendenan, esunnan cu ta den cuarentena mester keda den cuarentena igualmente cu esunnan cu ta isola. “Mas e comportamento di e pueblo mes ta bon, menos presion nos tin pa hospital.”
Ademas, el a expresa cu hende mester corda cu ta existi un hospital so, un porta so e tin, loke kiermen cu e comportamento di pueblo ta hopi importante.
Personanan cu tin sintomanan mester sigui e reglanan, mester haci e yamada y sigui cu e proceduranan. Autoridadnan ta evalua tur proceso y protocol tur dia na unda cu nan por sigui brinda e servicio.
Tambe, Maduro a laga sa cu ora e trahadonan tin e chens di sosega nan ta haci esey, pa evita cu na momento cu e casonan lo bira mas, nan por ta menos activo.
