(AP)—E principal di e ekipo Red Bull den Formula One, Christian Horner a rechasa “speculacionnan anonimo” despues cu supuesto evidencia den su investigacion di malaconducta a ser distribui diahuebs.
Horner a lidera e ekipo di Red Bull den entrenamento pa e Bahrain Gran Prix, un dia despues cu e compania di e ekipo a rechasa un keho cu a alega malaconducta contra un empleado di ekipo.
Mientras cu e segunda entrenamento tabata andante, un documento di Google Drive cu supuestamente ta contene e evidencia presenta contra Horner a ser manda via e-mail pa casi 200 hende den e paddock di F1, incluyendo Liberty Media, F1 y e FIA, e otro nuebe principalnan di ekipo y varios media. E autenticidad di e documentonan no a ser verifica pa AP, y e documento a bin for di un cuenta di gmail generico.
“Mi no lo duna comentario riba speculacion anonimo, pero pa reitera, mi semper a nenga e acusacionnan,” Horner a bisa den un declaracion lesa pa un vocero di ekipo den nomber di Horner. A nota cu e tabata un declaracion solamente for di Horner y no den nomber di Red Bull.
“Mi a respera e integridad di e investigacion independiente y a coopera cune completamente den cada stap,” e declaracion di Horner a sigui bisa. “E tabata un investigacion amplio y husto conduci pa un abogado specialista independiente y el a ser conclui, rechasando e keho entrega. Mi ta keda completamente enfoca riba e comienso di e temporada.”
