E wowo di e horcan Maria a caba di laga Puerto Rico, pero ainda e tormenta ta bati e isla cu bientonan fuerte na momentonan aki. Maria a baha na un categoria 3 diaranson merdia, cu bientonan di 115 mph.
E forsa brutal di e tormenta a laga henter e isla sin coriente. “Nos ta 100% sin coriente,” vocero di gobierno di Puerto Rico a laga sa. E tormenta tambe a ranca tronconan di mata for di tera y causa inundacionnan grandi. “E ta devastador,” Carlos Mercader, vocero di gobierno di Puerto Rico a laga sa.El a bisa tambe cu Puerto Rico no ta bay keda mescos den nan infrastructura. “Esaki ta algo cu consecuencianan historico.”
Maria ya caba a kita bida di siete persona den isla di Dominica, segun prome minster di Antigua y Barbuda sr. Gaston Browne. El a bisa tambe cu nan ta den stricto comunicacion cu prome minister di Dominica, kende tambe a reporta destruccion total den e isla unda su mesun cas mes a bira victima.
