Horcan Katia ta crece y a yega te categoria 2, cu biento cu ta di 155 kilometer pa ora, mientras e tabata yega na costa Mexicano, centro nacional di horcan di Merca (NHC) a informa.
Katia ta un di tres poderoso ciclon cu ta activo riba Atlantico, ayera tabata continua den awa di Golfo di Mexico y den ora di anochi ta anticpa pa toca tera, NHc a splica den su ultimo boletin.
Despues cu e horcan a mishi tera, e lo baha te tormenta tropical y sigui su caminda den direccion oeste, y asina a dentra den teritorio Mexicano.
Katia ta situa na 255 kilometer na este di Tampico y na 205 kilometro na zona noroeste di Veracruz, ambos na Mexico, caminda e ta desplasa cu un velocidad di 7 kilometer pa ora.
NHC a bisa cu e ciclon a crece, y por bira un horcan mayor (categoria 3, 4 o 5, ) cu tin biento te 178 kilometer pa ora) .
Katia ta move den direccion oeste pa sur oeste y ta anticipa cu e lo continua su rumbo te cu e sistema aki lo toca tera.
