Horcan Fani a bay costa di India diabierna como un tormenta di grado 5, afectando lama cu awasero y biento di 205km pa ora. Tambe afecta e clima leu di e mount Everest na medida cu ta acerca e antiguo capital imperial di Kolkata.
E departamento meteorologico di India a bisa cu horcan ‘extramadamente severo’ na bahia di Bengala a asota e estado costero di Odisha rond di 8am y e clima ta afecta henter subcontinente Asiatico.
Cerca di 1.2 miyon di persona a ser evacua for di areanan baho di Odisha y hiba na un di 4000 refugio. Oficialnan Indio a pone alerta maximo na e marina, e forsa aereo, ehercito y e guardia costera. Pa atardi, horcan Fani a perde poder.
Na Bhubaneswar, un ciudad na Odisha cu ta famoso pa un tempel hindu di siglo XI, mata di palmera tabata zwaai un y otro banda, y shelo tabata scur pa awasero. “E ta un sentimento hopi terorisa. E zonido di e biento como si e lo bay cu bo”, Tanmay Das a bisa, kende ta residente. Mayoria di dak den e area a wordo destrui, y no tin electricidad.
E caminda nacional pa Puri, un ciudad popular turistico di lama cu otro antiguedad hindu importante, ta yen cu palo di mata cu a cay y palo di electricidad riba caminda. Un trein a core special pa asina por a evacua e turistanan for di e ciudad.
E aeropuerto di Kolkata, di capital di Bengala a cera, y liña di trein tambe a cera. E tormenta tambe afecta e eleccion na India, forsando partidonan politico pa cancela evento di campaña. Di e scala di horcan na India, esaki ta e di dos mas severo.
Pa e horcan yega na e temporada aki ta inusual pa e pais, segun e dato di departamento di meteorologia. El a pasa 10 dia ta uni forsa pa despues duna un golpi dura ora el a yega tera.
