Crisis Management Office (CMO) a informa diasabra ultimo cu horcan Beryl ta e di dos sistema tropical cu a haya nomber pa e temporada 2024 pa lama Atlantico y Caribe e cual ayera a bira un horcan intenso di categoria 4 y ta e prome di luna di juni.

Mirando e wobbel di Horcan Beryl, ultimo proyeccion den consulta cu e diferente partnernan, entre otro Meteo Aruba, esnan regional y hunto cu KNMI cu ta encarga cu e islanan BES a yega na e siguiente proyeccion: E proyeccion nobo y impacto lo ta menos riba Barbados y lo tin impacto mas riba Saint Vincent and The Grenadines, door cu Horcan Beryl a move mas zuid den ultimo 24 ora.

 

Den Task Force regional tin preocupacion pa asistencia despues di pasada di Horcan Beryl door tin un otro sistema tropical cu mesun trayectorio cu por afecta den fin di siman e islanan Saint Vincent and The Grenadine.

Cu e datonan actual, Horcan Beryl awo lo pasa awe dialuna pa manece diamars durante mainta na un distancia entre 280 pa 320 km, parti noord di ABC.

CMO, Meteo Aruba, KNMI y partnernan den region lo keda den e fase di monitor pa e islanan ABC pa cualkier desaroyo inusual cu Horcan Beryl y pa locual ta miho conoci como Rabo di Horcan si por influencia of impacta Aruba cu yobida torencial of local.

CMO lo keda informa e comunidad a traves di prensa local di cualkier desaroyo di Horcan a usuarionan di lama y boto chikito Meteo Aruba ta bay pone un warning entrante dialuna mainta pa botonan chikito. Considerando e distancia actual y e categoria di Beryl lama lo bira bruto den siguiente dianan cu por significa un peliger directo pa landadonan y usuarionan di e beachnan. Beryl, den caso cu lo por tin impacto ariba Aruba.

E horcan no ta bay tin impacto directo pa Aruba (ABC) mirando cu e lo por pasa noord di Aruba na mas cu 500 kilometer leu. No tin horcan watch of warning emiti pa Aruba. Pero Aruba y islanan (ABC) por haya efectonan secundario manera:

* Biento zwak mas calor

* Lama por bira bruto cu efectonan ariba costa

* Awasero pasahero y leve.

Si tin e siguiente vigilancia, alerta y un aviso di horcan ta emiti pa

* Barbados

* St. Lucia

* St. Vincent y Islas Granadinas

* Grenada

Un Aviso di Tormenta Tropical ta emiti pa

* Martinique

* Tobago

Un Vigilancia di Tormenta Tropical ta emiti pa

* Dominica

*Trinidad

Temporada di horcan a cuminsa dia 1 di juni y ta termina oficialmente dia 30 di november. Durante e temporada aki instancianan oficial ta recomenda tur ciudadano pa keda atento pa cualkier alerta cu lo por wordo emiti y pa no drenta den panico si esaki ta e caso. Ta importante tambe pa ciudadanonan ta prepara y tin tur articulo di prome necesidad den cas den caso cu tin un tormenta.