Den cuadro cu e morto di Director di Serlimar, Sr. Richard Fingal, ultimamente tin diferente rumor cu ta circulando den comunidad pa motibo cu esaki ta un caso cu ainda ta den boca di hopi hende. Riba rednan social tin varios hende ta comenta cu esaki tabata un tipo di ‘Setup’ y cu tin hopi mas tras di esaki cu locual ta wordo treci pa dilanti.
Tin rumor cu ta e casa di e dama chines ta esun cu a mata Sr. Fingal anto cu e ta bay entrega su mes na polis, sinembargo Vocero di KPA , Sra. Liliana Rasmijn ta conta Bon Dia cu esaki no ta berdad,ningun di e rumornan aki ta berdad y cu ningun hende te ainda no a entrega nan mes pues ta e dama chines so ta sospecho.
Bon Dia lo ta sigur di trece mas informe mientras e caso ta sigui desaroya.
