Donald Trump a nenga di promete cu e ta bay accepta e resultado di e eleccion si e mester perde, den e debate final contra Hillary Clinton ayeranochi. ”Mi lo bisabo ora cu e tempo yega,” e ta bisa e moderador Chris Wallace. Trump tin basta dia caba bisando cu e eleccion aki ta wordo manipula.
Den e ultimo debate na Las Vegas a continua cu un tono basta fuerte, cu sr. Trump yamando sra. Clinton un ”muhe vies”. Cifranan ta mustra cu Trump ta bayendo atras den cierto estadonan hopi importante pa e eleccion despues di tanto acusacionnan di abuso sexual contra su persona.
E bataya final tabata menos cu tres siman prome cu dia di eleccion mes cual ta riba 8 di November.
Fuente: BBC
