(NLTimes) – Varios acuerdo recien ta inclui un aumento di salario pa empleadonan cu tin un salario relativamente abao.
Dunadornan di empleo y unionnan ta purbando di yuda compensa e inflacion pa medio di duna e empleadonan cu tin tiki entrada untiki mas, NOS a reporta.
Organisacion di dunadornan di empleo AWVN a conta NOS cu actualmente tin 30 sector cu e tipo di acuerdonan aki, incluyendo cuerpo policial, cuido di salud y e industria di metal. Esaki ta yega na un kwart di e acuerdo di labor colectivo nobo.
Un aña pasa, nos no por a mira e tipo di acuerdonan aki,” Jannes van der Velde di AWVN a conta e noticierio. “Dunadornan di empleo ta mira cu tin problemanan den sociedad pa causa di e inflacion y cu cierto gruponan di e empleadonan no tin suficiente pa cubri nan costo di bida. Eora e ta bira obvio cu mester haci algo mas pa medio di yega na acuerdonan di labor colectivo nobo cu por beneficia e gruponan aki.”
E unionnan pa profesionalnan VCP ta critico di e moda aki di duna mas na empleadonan cu ta gana menos. Segun president Nic van Holstein, inflacion tambe ta causando mas problema pa e personanan di ingreso medio y halto. “Nan tambe ta sinti falta economico,” Van Holstein a bisa. “E gruponan aki tambe por gasta menos y menos cada biaha, esaki tambe mester keda resolvi.”
Van der Velde no ta di acuerdo cu esaki. “Nos ta kere cu e ta un bon desaroyo cu nos ta enfoca unda cu e problemanan mas serio ta. E ta un acuerdo excelente te na unda cu nos por mira.”
