(AP)—Legisladonan di Hong Kong a aproba un modificacion di un ley garantisando e poder na e lider di e ciudad pa prohibi abogadonan stranhero pa maneha casonan di seguridad nacional, despues cu un scandal di profiel halto causa pa un editor pro-democracia na Hong Kong cu a contrata un abogado Britanico.
E cambionan ta bay rekeri pa abogadonan stranhero cu en general no ta practica na Hong Kong obtene permiso for di e hefe ehecutivo prome cu entrega aplicacion pa representa na cliente den casonan di seguridad nacional.
E lider di ciudad lo solamente duna aprobacion si tin suficiente base pa kere cu e envolvimento di e abogado no ta bay contradeci e interesnan di seguridad nacional, y no ta permiti pa bay contra e decision.
Un mayoria di e legislatura di e ciudad a aproba e ley; un legislatura cu un mayoria di loyalistanan di Beijing, cu tiki oposicion den un voto di man. Criticonan a bisa cu e cambionan ta bay laga defensornan cu menos opcion ora nan ta busca representacion legal den algun di e casonan mas controversial den e ciudad.
A propuesta e cambionan e aña aki despues cu e corte mas prestigioso di e ciudad pa aproba un afspraak pa editor pro-democracia Jimmy Lai cu abogado Timothy Owen di Inglatera, pa asina represent’e mientras e ta enfrenta carganan di conspiracion bou di ley di seguridad nacional na Beijing.
Hong Kong, un ex-colonia di Britania cu a wordo debolbi na China na 1997, ta uza e mesun hurisdiccion di ley como na Britania, y abogadonan for di otro hurisdiccion di ley por, en general, traha dentro di e sistema legal di e ciudad ora ta necesario.
Oranan despues cu e corte di Hong Kong a aproba e abogado di Lai, lider di ciudad, John Lee, a puntra Beijing pa dicidi si abogadonan stranhero mester ta permiti pa traha riba casonan di seguridad nacional. Mientras cu e cuerpo di legislatura di China no a duna huicio directo riba si e abogadonan por maneha casonan asina, el a bisa cu e lider di ciudad y e comision pa proteha seguridad nacional tabatin e poder pa dicidi riba e asunto.
Den e propuesta di e enmienda, e gobierno a bisa cu e cambionan lo “implementa efectivamente e spirito di e interpretacion” di e ley y lo adresa posibel riesgonan di seguridad nacional relata na abogadonan stranhero manehando e tipo di casonan aki. E mecanismo ta bay aplica pa ambos casonan civil cu criminal relata na seguridad nacional, e instancia a bisa.
Diaranson, e Secretaria pa Husticia, Paul Lam, a defende e cambionan por medio di argumenta cu defensornan por scoge representacion for di mas cu 1.600 abogado na Hong Kong, pero en practica, defensornan den casonan di seguridad nacional tin menos opcion di abogado cu por maneha casonan asina, segun Kevin Yam, ken ta compañero senior na Georgetown Center for Asian Law.
“Basicamente, casi tur abogado cu ta capabel y ta dispuesto” pa tuma casonan asina ta manehando un huicio andante cana envolviendo 47 activista cu a haya carga bou di ley di seguridad nacional, Yam a bisa. Tin e expectativa cu e huicio ta dura pa 90 dia.
“Nos ta keda cu un situacion unda un tipo di caso cu hopi tiki abogado ta dispuesto di tuma ta bay perde un otro recurso mas,” el a bisa.
Tambe el a nota cu e definicion di seguridad nacional no ta claro, pues e ta dificil pa determina si lo haya rechaso bou di e mecanismo nobo aki.
“Si bo ta un abogado stranhero…lo bo tuma e riesgo di tin e inciertud si e caso bo ta bay tuma ta bay envolvi elementonan di seguridad nacional?” el a bisa.
Abogadonan di Lai a haya sa cu e comision pa proteha seguridad nacional a dicidi cu e representacion pa Owen probablemente lo ta un riesgo den seguridad nacional y a conseha e director di inmigracion pa nenga cualkier aplicacion nobo pa visa di trabou for di Owen relata na e caso. E director di inmigracion a bisa cu su departamento ta bay actua den cuadra cu e conseho ey.
Luna pasa, e abogadonan a entrega un aplicacion pa evaluacion hudicial, puntrando e corte pa rechasa e decision di e director y e comision. E corte tin e expectativa pa tuma decision mas despues.
