Un protesta masivo riba caya di Hong Kong pro-democracia a caba trempan pa motibo di violencia. Polis mester a uza gas lagrimogeno y canon di awa ora cu manifestante a tira piedra y Molotov cocktail na edificio di gobierno.
Polis a bisa den un declaracion cu manifestante radical a tira bom di gasolin y a daña propiedad di gobierno ‘un menasa pa siguridad di tur hende den area’. E violencia ta keda manera esunnan cu ta pasa constante for di juni.
Organisado a bisa cu 200.000 – 300.000 persona a atende e manifestacion di diasabra. Mas di 1,000 manifestante a subi riba caminda principal, algun cu a tuma edificio di gobierno cu tabata cu baricada.
Mayoria manifestante a uza paraplu pa proteha nan mes for di e violencia. Despues cu manifestante a cuminsa bay, Polis a sigui controla e caya y busca pa persona cu tabata den area. “Mi ta kere nos ta bay perde pasobra nan forsa ta grandi, pero si nos no haci nada awo, nos no lo tin otro chens”, Sang Chan a bisa, kende ta un manifestante di 22 aña di edad.
Activista Joshua Wong, kende a tabata un lider di hubentud na protesta di 2014, a bisa e hende presente cu nan tin determinacion mas fuerte pa gana e bataya pa mas derecho. Wong a yega di wordo aresta varios biaha pa su activismo.
E ta consciente cu e por descualifica, pero alerta cu e por genera mas sosten pa un movemento di protesta. Wong a sali di prizon cu fiansa, el a keda encarcela pa organisa reunion ilegal. Sinembargo esey no a stop e pa bay Merca, Alemania y Taiwan pa pidi sosten pa su movecion di protesta.
