NEW ZEALAND – Famia di victimanan ainda ta wardando pa dera e curpanan, tin cantidad di persona ta rindi homenahe na e 50 hende cu a ser tira na e 2 moskee Christchurch, un dozijn di musulman a para na e luga , te ora cu autoridad entrega e curpa di victima.
Persona ta pone flor, bela, blaas, nota cu tristeza y amor pafo di unda e tiroteo a sosode. Lesando nota y duna tributo ‘50 curason pa 50 bida’ a pone den un curason di papel pa pone riba un mata.
Dos dia despues di atake, ainda famia ta wardando pa autoridad entrega e curpa. Esaki ta tiroteo cu mas hende morto den historia di e pais. Ley di Islam ta pidi pa e curpa pronto, despues di 24 ora cu hende fayece.
Simpatisante a yega for di henter e pais pa asina yuda den e deramento di e fayecidonan di Christchurch. Autoridad a manda pa coba tumba na un luga cu a wordo cera y blokia cu un net blanco. Prome minister Jacinda Arden a bisa cu autoridad ta spera pa libera e curpanan pa diaranson, comisario Mike Bush a bisa cu nan ta trahando duro cu patologo y hues di instruccion pa completa e trabou mas pronto posibel.
Polis a bisa cu nan tin lista di tur victima y nan famia, cu a yuda duna algun informacion na famia cu ainda tabata warda pa noticia. E sospechoso di 28 aña di edad, Brenton Harrison Tarrant, a aparece diasabra na corte, anto e no a mustra ningun emocion ora cu hues tabata lesa e cargo di matamento, el a bisa cu mas lo sigui.
