Diahuebs mainta tabata tin un grupo di turista ta snorkel pazuid di Nikky Beach den lama y den esaki un persona a hoga. Alarma a keda bati pasa di 11:15 mainta ora cu personanan a mira un homber mericano ta drief y no ta move mes. A saca e curpa for di awa y ya e homber no tabata duna señal di bida y a cuminsa cu CPR. Ambulance cu urgencia a presenta na e sitio y traha cu e persona pero mucho no por a haci mas. Posiblemente e homber a haya un atake di curason den lama na momento di snorkel.
Dokter a presenta y pa 12:30 a constata morto di e mericano naci na 1961.
