(AP) – Un homber di California ken su dos yiu a fayece despues di a bebe lechi curu cu a ser pidi back pa e riesgo di griep aviar ta bisa cu e tabatin e intencion di mantene su mascotanan stima saludabel.
“E ta horibel ora cu bo ta realisa cu abo ta esun cu a duna nan e lechi cu a causa nan morto,” Joseph Journell di 56 aña a expresa.
Journell a perde su pushi di rasa Tabby di 14 aña Alexander y tuxedo di 4 aña Tuxsie den fin di november. Un tercer pushi, Big Boy di 4 aña, tabata hospita;isa pa un siman prome cu e testnan a duna resultado cu pushi tabata infecta cu e virus H5N1.
E pushinan a bebe lechi cru di carga cu Raw Farm na Fresno a pidi pa entrega back, pa motibo cu den december e oficialnan di salud a haya cu e lechi na benta ta contene e virus. E bestianan su fayecimento a keda confirma pa e oficialnan di salud di e estado. E pushinan tabata pushi di paden, cual ta nifica cu nan no tabata den riesgo drenta den contacto cu parhanan infecta y tabata consumi cuminda convencional y no curu segun e doño.
Journell a conta cu e tabatin varios luna ta bebe Raw Farm su lechi pa su mes pa motibo cu el a tende cu “esaki tin miho propiedadnan pa bo sistema inmunologico y salud en general” compara cu lechi pasteurisa. El a pensa cu e lo por yuda Alexander, ken tabata perdiendo peso recientemente. “Mi a purba di yud’e bira mas saludabel y biba mas,” Journell a comparti.
Alexander a fayece durante Thanksgiving y Tuxsie a fayece dos dia despues. Big Boy a keda hospitalisa y a ricibi tratamento. El a regresa cas sin su bista y sin e uso di su dos pia di patras, aunke e ta den recuperacion. Un di 4 pushi, Cleo no a bebe e lechi y a keda den bon salud.
