Un homber cera den prizon a pinta su cara preto, pa asina scucha su sentencia. Hues a sentencia Mark Char pa bida largo cu posibilidad pa pidi libertad condicional. E ta condena pa mata 3 persona. Adicionalmente Hues di corte di Honolulu, Todd Eddins tambe a sentencia Char, di 60 aña di edad, pa 5 aña den prizon pa un asalto di dos grado y un aña pa un asalto di tres grado.
Abogado Keith Shigetomi, kende a retira como abogado defensor di Char despues di e audiencia, a bisa cu tabata decision di Char pa aparece cu cara y cabes pinta na preto. “Bo ta trata mi manera un homber preto, e ora ey mi ta uno”, Char a bisa hues. El a continua papia y hari Eddins ora cu el a duna su declaracion pa sentencia.
Na augustus 2016, un hurado di estado a declara Char culpabel di a hinca tres persona na un incidente di rabia riba un autopista. Char tabata keda brik su auto dilanti di Jesther Marlang, te ora cu a boks contra su auto, segun Polis.
Char a uza spray di peper contra Marlang y pasahero, Deion Anunciacion. Despues el a hinca ambos. Durante e pelea, Char a morde y casi ranca dos dede di Marlan. Tambe a hinca un persona cu tabata core brommer, Jene Winn, kende a purba di stop e confrontacion, Polis a informa.
Char a keda bisa cu a actua den defensa propio y cualifica su huicio como ‘corte di kangaroo’. “Bo ta un menasa pa publico. Esaki no ta un veld pa kangaroo, bo tin un huicio husto”, Eddins a bisa.
