Recherche nacional a cuminsa un investigacion riba morto di un homber di Den Haag, despues di un incidente cu polis, diabierna ultimo na Waddinxveen, Hulanda. Segun e fuente Algemeen Dagblad e victima su nomber ta Paul Selier di 39 aña di edad.
Alrededor di 6.00am, polis a haya un melding di un homber confuso cu ta sinta memey di caminda riba su rudia. A yama ambulance mientras agentenan a yega na e sitio.
Ainda OM no por bisa kico a sosode entre e homber cu agentenan policial. Riba e video por mira cuanto esfuerso agentenan ta haci pa tene e homber abou. Aki polis ta dal e homber. E homber a keda insultanan y agentenan ta pidi’e pa coopera. OM por bisa algo di e causa di morto te ora investigacion di patologo caba.
E imagennan di Omroep West lo keda uza pa investigacion, segun OM. Ministerio Publico a informa cu nan ta investigando kico a pasa. Omroep West ta bisa cu e tin imagennan, caminda por mira cu un homber ta haya sla na banda di su curpa, mientras e ta riba suela. E informacion ta cu e homber tabata confuso, segun OM.
Segun Alex Dijfhoff, primo di Mitch Henriques, e polisnan cu a aresta sr. Selier, ta di e mesun unidad cu e polisnan cu a aresta Mitch. Esaki el a conta AD. Sr. Dijkhoff a declara cu e kier yuda e famia di e victima cu advies etc.. “Pero laga nos warda kico a pasa precies, riba e imagennan nos por wak solamente un parti chikito locual cu a pasa.”
