Fiscal federal a bisa cu un homber bay di acuerdo pa declara su mes culpabel di horta un lemur ‘ring-tailed’ for di un zoo na sur di California.
Oficina di fiscal Mericano ta bisa den un comunicado di prensa, cu Aquinas Kasbar, un hoben di 19 aña di edad di Newport Beach, a bay di acuerdo pa declara su mes culpabel di un delito di bay ilegalmente cu un especie den peliger di extinsion.
Segun un acuerdo di declaracion entrega dialuna, fiscal ta bisa cu Kasbar a kibra drenta den Santa Ana Zoo fuera di orario riba dia 27 di juli 2018, a corta habri e habitat y tuma e lemur di 32 aña di edad, yama Isaac.
E animal a wordo poni den un container sin ventilacion, y despues bandona na un hotel na Newport Beach cu nota identificando e como e bestia cu a wordo horta for di e zoo.
Medionan a reporta cu Isaac tabata ileso y a wordo retorna bay cas.
Un adres pa Kasbar no a wordo localisa. E lo presenta na corte dia 28 di mei.
