Siman cu a pasa duana a gara un pasahero Arubiano di 25 aña di edad na aeropuerto cu 20.000 dollar. E homber cu a caba di regresa di Merca, no a meld na duana cu e tabatin casi 20.000 dollar, segun e comunicacion di Ministerio Publico(OM).
El a bin cu un declaracion increibel di unda e placa a bin y e no por a comproba su storia tampoco, Ministerio Publico ta informa. E sospechoso a wordo pasa pa Cuerpo Policial y a entrega e placa despues di awordo interoga. Tur e placa cu a wordo confisca a cay na fabor di fondo pa combatimento di criminalidad (Criminaliteitsbestrijdingsfonds). Placa den e fondo di criminalidad ta wordo uza pa promove combatimento di criminalidad. Di e manera aki, e placa cu a haya cu e accion, ta cay stret na beneficio di Aruba. E Afpakteam kier aporta na un manera visibel na esaki, e comunicado di OM ta clausura.
