(AP) – Un homber di 60 aña na Alemania aparentemente a vacuna su mes contra di COVID-19 decenas di biaha pa bende su carchinan di vacunacion falsifica cu number di serie real di e vacuna pa personanan cu no kier a vacuna nan mes.
E homber di e ciudad Aleman, Magdeburg, ken su nomber no a ser publica en cumplimento cu Alemania su reglanan di privacidad, aparentemente a ricibi te casimente 90 vacuna contra di COVID-19 na centronan di vacunacion den e estado di Saxony pa lunanan largo te ora cu cuerpo policial a gara su persona e luna aki segun loke noticiero Aleman DPGA a reporta diadomingo.
E sospechoso no a keda deteni, sinembargo e ta bao investigacion pa e otorgacion y plamamento di carchi di vacuna falso, DPA a reporta. El a ser gara na un centro di vacunacion na Eilenburg den Saxon y ora cu el a presenta pa un vacuna contra COVID-19 pa di dos dia tras di otro. Cuerpo Policial a confisca varios carchi di vacuna for di su persona y a inicia e procedencia criminal den su contra.
E no tabata inmediatamente cla ki tipo di impacto aproximadamente 90 dosis di e vacuna di COVID-19, cual tabata di diferente marca, lo tin riba e persona su salud. Cuerpo policial di Alemania a conduci varios buskeda en conexion cu e falsificacion di paspoort di vacuna den lunanan recien. Varios persona cu tabata contra e vacuna na Alemania no a ricibi nan vacuna, sinembargo tabata kier e paspoort di COVID-19 pa asina tin acceso na bida publico y luganan manera restaurant, teatro, pool y trabao mas facil.
Alemania te ainda ta mirando cantidadnan halto di infeccion, sinembargo varios medida contra COVID-19 a ser retira diabierna. Uso di tapaboca no ta obligatorio mas den supermercadonan y mayoria teatro, aunke su uso ta obligatorio den transport publico.
