Ministerio Publico a confirma na Bon Dia Aruba cu e homber haya morto na Jaburibari ta un turista Canades. Y no manera informacion cu nos a haya dialuna cu ta trata di un homber di nacionalidad Chines.
Ministerio Publico tambe a bisa cu nan a detene varios persona, tur stranhero. Awe e autopsia ta planea pa determina e causa di e morto. Aunke diferente fuente den polis ya a informa cu ta trata di un asesinato. Esaki ta algo cu Ministerio Publico te awor no a confirma. Segun nos si ta confirma cu e detencionnan ta relaciona cu e caso di persecucion na Hato.
