E homber mas busca di Hulanda, Ridouan Taghi, a ser aresta na un cas priva na Dubai. E aresto a ser realisa despues cu esfuerso di Polis Hulandes y cooperacion intenso internacional cu Polis di Dubai, na luga di un aviso”, Polis Hulandes a bisa den un comunicado. Ministerio Publico Hulandes a solicita formalmente su extradicion.
“E ta un di e hombernan mas peligroso y busca na mundo y ta un figura di Interpol pa su conexionnan cu crimen grave organisa”, e Hefe di Polis na Dubai Abdullah Khalifa Al Merri a bisa den un quote pa Gulf News. “el a ser aresta na Dubai den un villa residencial despues di drenta e pais cu un identificacion diferente”.
Extradicion.
Hulanda no tin un acuerdo di extradicion cu Dubai y lo depende di e huesnan local pa dicidi si mester ser manda bek. Fiscal Superior, Fred Westerbeke, a bisa cu mientras cu esaki lo tuma tempo , nan ta spera cu e funcionarionan Dubai lo cumpli. Taghi ta e sospechoso principal den un huicio di gangland cu ta involucra cinco asesinato y varios intento den un caso conoci como Marengo,cu lo cuminsa na maart. E ruman di testigo principal Nabil B ta un di e victimanan di asesinato.
Shurandy S, e homber cu a mata su ruman a ser sentencia pa 28 aña di prizon dialuna ultimo, pero ta sospecha cu Taghi a ordena e asesinato. Tambe ta kere cu e ta tras di e asesinato di e abogado Derk Wiersum,kende tabata representa Nabil B den e investigacion andando. E asesinato no ta parti di e huicio di Marengo. E diputado di Taghi ,Saïd Razzouki ainda ta den libertad .
Telegraaf a bisa na juli ultimo cu Taghi tabata bibando na Dubai, na unda su casa y su seis yiunan tabata bibando pa algun tempo caba. E aresto di Taghi ta “ di gran importancia pa Hulanda”, e hefe di polis Hulandes Erik Akerboom a bisa. “ E actividadnan criminal di Taghi ta un menasa pa e estado di derecho.
