Un homber di Groningen di 48 aña di edad a wordo aresta bou cargonan di atake terorismo, esaki ta locual ministerio Publico a bisa diaranson ultimo.
E homber cu tin dobel nacionalidad Hulandes y Algeriano, a wordo aresta 10 dia pasa na un granha na e village di De Lutte, cu tabata cerca di e frontera cu Alemania. E tabata biba den un acomodacion cu e ta huur na e granha cu a wordo organisa pa e abattoir na unda e ta traha, RTL a bisa.
E homber a keda recogi over di e base di informacion proporciona pa e servicio di siguridad AIVD. Den e cas di e homber na Groningen, polisnan a haya un tas di mucha cu un pistol y municion.
Tambe nan a confisca documentonan cu textonan cu ta elogia e lucha di arma contra personanan incredulo, Ministerio Publico a bisa. E homber lo keda den prizon pa 90 dia y ta prohibi pa tene contacto cu cualkier persona cu no ta su abogado.
