Un reto nobo ta dominando rednan social, haciendo joke di e reputacion di Florida di produci noticianan straño, involucrando arma, droga, alcohol y reptilnan – of un combinacion di esey.
E reto ta invita participantenan pa Google nan fecha di nacemento y ‘Florida Man’ (homber di Florida), pa mira cual titular ta aparece. Nan mester post e resultado riba rednan social.
E concepto di ‘Florida Man’ a drenta consciencia mundial cu e cuenta di Twitter, @_FloridaMan na 2013. E cuenta, cu e descripcion ‘Storianan berdadero di e pio super heroe di mundo’, ta conta cu titularnan manera ‘Florida Man ta bom garage cu a bay cu su auto, ta dal su propio vehiculo’, y ‘Florida Man a purba paga na McDonald’s cu marihuana’.
E menos comun, pero no menos notorio ‘Florida Woman’ a produci titularnan manera ‘Florida Woman aresta y acusa di asalto grave sin intento di asesinato despues cu el a ‘puya mucho duro’ na un Dollar Store, y despues a menasa cu cuchiu un homber cu a keha’.
Jim Clark, un profesor na e departamento di historia di University of Central Florida, a bisa: “Tabatin un tempo ta parce como si fuera tur e hende y storianan straño tabata bin di California. Pero durante e ultimo decada, esaki a cambia pa Florida. Awo, ora mi mira un storia straño, mi ta haya un sorpresa si e no ta di Florida.”
Un mescla di factor ta yuda Florida duna bida na e storianan sorprendente aki.
Pa cuminsa, e ta e di tres estado mas grandi di e pais, cu mas di 20 miyon residente, y muestra di cualkier poblacion asina grandi tin garantia di produci algo straño. Florida tambe ta conta cu bendicion di un ley di record publico liberal, cu ta permiti e storianan aki pa aparece den bista publico sin resistencia ni preocupacion.
Ademas, tin e combinacion di temperatura sub- tropico, palm trees, y shelo blauw cu ta parce di inspira algun hende pa perde tur inhibicion. Bou di e circunstancianan corecto, nos no lo wordo tenta pa sigui den e pasonan di ‘Florida Man mira sunu riba video scondi den restaurant comiendo ramen’?
