(AP) – PA casi 9 luna, John Alfred Tinniswood tabatin e titulo di persona cu edad mas halto na mundo, marcando su di 112 cumpleaños durante esaki.
Su status cu e record a caba dialuna ora cu Tinniswood a fayece den cas di cuido na Inglatera cerca di Liverpool, unda el a nace dia 26 di augustus den 1912, su famia a informa den un declaracion.
Tinniswood ta bisa cu e largura di su bida ta danki na “puro suerte.”
“Of bo ta biba hopi of bo ta biba poco y no tin hopi cu bo por haci tocante esey,” e accountant retira y welo a conta Guinnes World Records ora cu el a ricibi e titulo den april.
Si tin un secreto pa esaki, e ta bisa cu moderacion ta e clave pa un bida saludabel. Nunca el a huma, e tabata bebe poco y no tabatin un dieta specifico, ademas di come ‘fish and chips’ tur diabierna. “Si bo bebe dimas, come dimas, cana dimas – of haci cualkier cos dimas- bo ta bay sufri eventualmente,” Tinniswood a comparti.
Tinniswood a nace algun luna despues cu Titanic a hundi. El a biba 2 guera mundial y tabata parti di British Army Pay Corps den e di dos Guera Mundial. Tinniswood tabatin 111 aña ora cu el a ricibi e record despues cu Juan Vicente Perez di Venezuela a fayece cu 114 aña.
Guines World Record no kier a nombra ken lo reemplasa Tinniswood como e siguiente persona cu lo tin e titulo aki.
Tinniswood ta sobrevivi ap su yiu muhe susan, 4 nieto y 3 bisnieto. Su casa di 44 aña, Blodwen, a fayece den 1986. Ora cu Tinniswood a cumpli 112 den augustus, el a bisa cu e ta tumando tur cos cu calma. “Mi no ta sinti cu mi tin e edad aki, mi no ta sinti emocion pa cu esaki,” el a bisa. “Esey ta probablemente dicon mi a yega e edad aki.
E muhe di edad mas halto na mundo y persona di edad mas halto na mundo ta Hapon su Tomiko Itooka di 116 aña.
