(CNN) – Un homber di 20 aña di edad di nomber Thomas Matthew Crooks ta e autor di e atentado cu ex-presidente Donald Trump a sufri diasabra ultimo den oranan di atardi na Pensilvania, Merca, den esaki, e ex-mandatario hunto cu un siguido a resulta herido y un assistent di e evento a muri.
E atentado a sucede minuutnan despues di 6or di atardi ora Trump a caba di cuminsa cu su discurso den un manifestacion di campaña na momento cu a cuminsa scucha tironan, Trump a toca su cabes y a ripara cu tabatin sanger, na momento ey miembronan di Servicio Secreto a bay riba Trump pa protegele y sake for di e luga. E atacador cu tabata ubica na 200 meter di stage a ser abati pa Servicio Secreto momento despues.
Un di e persona cu a muri, tabata un bombero di nomber Corey Comperatore ken recientemente a caba di haci 50 aña.
Na momento di e atentado, comision di Trump a bandona e luga basta lihe sin cu lo por a conoce su estado di salud. Presidente di Camara di Representante, Mike Johnson a publica riba e red social “X” cu e tabata resando pa Trump. Un portavos di ex-presidente a bisa cu Trump “Ta OK y cu na e momento ey tabata pasando pa un reconocemento den un centro medico” cerca di e luga di e manifestacion.
Den un comunicado Trump a sigura cu “Nan tira un bala contra mi cu a perfora e parti superior di mi horea,” el a gradici na su siguidonan pa nan “pensamento y nan oracion.
E publico, miles di hende, a ser evacua di e luga unda tabata desaroya e reunion. Forsanan di seguridad a rondia e zona, e cual a ser califica como “sitio di crimen” y tambe a saca e periodistanan cu tabata presente.
E seguridad di ex-presidentenan ta coresponde na servicio secreto. Trump tin un skema di seguridad amplio cu ta acompañele tur caminda. Su manifestacionnan ta celebra entre fuerte medidanan di seguridad, cu registronan na entrada. No ta claro si e tironan, den caso cu si tabata tironan, a bin di pafo of di paden di e reunion, den aire liber.
Autoridadnan ayera a informa cu a haya material pa fabrica explosivo den auto y den cas di Thomas Matthew Crooks, e homber di 20 aña identifica como autor di e atentado contra e ex-presidente. Ademas Wall Street Journal a señala cu Crooks su tata ta esun cu a cumpra e arma cu a ser usa.
Esaki ta e ultimo manifestacion cu Trump tabata duna prome cu e convencion republicano di e siman aki na Milwaukee (Winconsin) pa certifica su candidatura na presidencia di parti di Partido Republicano.
