Ayera den oranan di atardi laat, polis ta pone man riba e homber Sandjay Maduro relaciona cu e caso di maltrato severo contra un dama y dos menor di edad dia 6 juli 2023.
Ta acusa e sospechoso aki di e viola articulo 2:275, 2:255 y 2:288 di e “Wetboek van Strafrecht van Aruba.” El a wordo captura den bario di Sta Cruz. Cuerpo Policial ta yama danki na nos comunidad di un of otro manera por a yuda polis cu e caso serio aki.
Diahuebs atardi pa anochi a circula e noticia di un caso lamentable na unda un homber a agredi su pareha y dos baby te na manda nan hospital. Despues di a comete e maltrato, e sospechoso a huy for di husticia y un buskeda a cuminsa. Awe finalmente a detene e sospechoso.
