Un hoben cu ta bisa cu e ‘no ta arepenti’ di a mata e homber cu a abusa di su pareha awo ta enfrentando cargonan di bida largo den prizon na estado di Louisiana, Merca. E hoben Jace Crehan,23, a wordo haya culpabel diahuebs riba e asesinato cu a tuma luga den juli 2015 unda cu el a mata un acusado di abuso sexual di menor. El a wordo sentencia pa castigo di bida largo den prizon pa asesinato di Robert Noce Jr, segun reportahe di The Advocate. Noce, 47, a wordo hinca y strangula den su cas na Zachary, Louisiana. Su morto a bin menos di dos siman despues cu el a wordo sentencia pa cinco aña di probation despues di un caso unda cu el a wordo acusa di abusa di Crehan su pareha, Brittany Monk, ora cu e tabata mas jong.
“Mi ta sinti hopi mas miho,” Crehan a bisa polis, e no ta sorry pa kico el a haci.
Monk , 20, a haci su mes culpabel tambe pa a yuda drenta e trailer di Noce anto atakando e mientras cu e tabata 7 luna na estado cu yiu di Crehan. Monk por wordo sentencia pa 40 aña di castigo di prizon mientras cu Crehan pa castigo di bida largo, hues ta dicta Januari 18.
Fuente: NEWS.AU
