Diadomingo marduga den careda di 12:35 polis y dos ambulance ta sali rumbo pa Ranchostraat pa un caso di tiramento.
Na yegada nan ta bin topa cu un persona masculino conoci bou di e nomber “Colombia” cu un herida di bala parti drechi di su cabes y cu no tabata duna señal di bida. E homber tabata ariba vloer patras di un cuarto.
E area caminda e homber a wordo haya ta un area cu tin diferente cuarto cu ta wordo gehuur. Tur ta pega cu otro, pues indicando cu un persona mester a scucha algo y kizas te hasta wak e asesino.
Den algun rato autoridnan encarga cu crimen ta presenta na e sitio pa asina cuminsa investigacion, y e area ta wordo sera por completo. Habitante tur a subi caya buscando pa sa kiko a pasa.
Pa mas o menos 1’or dokter ta constata morto.
