(AP) —E edificio di Winsconsin Capitol ta un dia e edificionan federal mas habri den e pais, cual a haci’e facil pa un homber cana drenta cu un pistol arma e siman aki en buskeda di Gobernador Democratico Tony Evers.
A detene e homber pa cargamento di arma ilegal, pero despues cu el a paga pa su libertad e mesun dia, el a regresa na e Capitol e mesun anochi cu un rifle semi-automatico. A pone den costudia protectivo. Desde diabierna, ningun carga a ser entrega.
E episodio aki ta subraya e seguridad na e Capitol di e estado, cual ta un edificio cu tin su mesun forsa policial pero no ta protegi pa detectornan di metal, puntonan di screening of X-rays. Cualkier hende por cana drenta entre 8or di mainta y 6or di atardi durante siman y bay stret den e oficinanan di legisladornan y otronan mas.
Mientras cu por trece arma cera den e edificio, ta prohibi pa carga arma den man. Un vocero di e administracion di Evers a bisa cu e pistol di e homber tabata den un holster. Ambos e gobernador y e Assembly Speaker, Robin Vos, ken ta un Republicano, a expresa oposicion ayera pa agrega detectornan di metal den e edificio. Evers a conta Wisconsin Watch cu acceso limita pa e edificio of pa obliga hende pa haci un screening di seguridad lo ta “e ultimo cos cu mi kier haci.”
Winsconsin Capitol ta un di e 13 capitalnan di estado cu no tin ni detectornan di metal of mashin di X-ray, segun un rapport di 2021 for di e Conseho di Gobierno Estatal.
E oficina di e gobernador ta guardia pa un agente policial capital. Esey ta unda e homber arma a bay diaranson, demandando pa mira e gobernador pa papia tocante “abuso domestico di hende homber,” segun e polis. Oficinanan pa miembronan di e Corte Supremo di Wisconsin tambe ta situa den e edificio pero sin un guardia.
Tur 132 estado legislador tin oficinanan cu ta habri pa publico y no tin guardia. Polis di e capital tin camara den henter e edificio, y oficinanan ta ekipa cu un boton cu por señala un yamado di auxilio pa polis den momentonan di emergencia.
