POLONIA – E polis di e pais ta bisa cu durante un bishita di Merca pa e campo di exterminacion di Auschwitz-Birkenau di tempo di e segunda guera mundial, a purba di horta un parti metalico di e caminda di e trein unda e prizonero tabata wordo laga.
Malgorzata Jurecka, kende ta vocero di polis di e sur di Polonia a bisa cu e homber Americano di 37 aña di edad a ser acusa cu intento di ladronicia di un articulo di importancia cultural. E crimen por ser castiga pa mas di 10 aña den prizon.
Jurecka a bisa cu e homber a admiti di fout. E campo di Auschwitz- Birkenau cu ta un luga conmemorativo a yega di sufri di ladronicia y vandalismo e ultimo añanan. E caso mas dramatico ta esun di e hortamento na 2009 cu un señal di un dicho di e nazi ‘e trabou lo libera bo’ na e porta principal di e campo di morto. Despues el a ser haya corta na pida.
