6 mucha homber y 4 mucha muhe mester di tratamento urgente na hospital despues di un atake ”vicioso” pafo di un skol primario den e cuidad di Haikou dialuna mainta.
Segun reporte di polis, e homber a hinka e 10 muchanan cu un cuchiu, herida 2 otro mucha y despues e la mata su mes.
E muchanan a wordo hiba hospital de inmediato. Ningun di e muchanan a sufri heridanan mortal, pero 2 di nan si tabata seriamente herida den e atake aki Dialuna.
Polis ta reclama cu e atake vicioso aki a wordo ehecuta cu ”accion extremo” y a nenga di duna mas comentario pa motibo cu ainda e caso aki ta bao di investigacion.
Despues di un serie di atake na skolnan 5 aña pasa, atakenan di e tipo
aki ta hopi menos y nan ta mayoria di biaha wordo causa pa motibo di disturbio mental.
Violencia di e tipo aki no ta pasa muchu na China den comparacion cu otro paisnan. Sinembargo, den e añanan reciente tin un serie di atake cu cuchiu y hacha riba muchanan, News Agency ta reporta.
Por lesa mas aki: Independent
