(NLTimes)—Un hoben, cu na tempo di e incidente di tiramento tabatin 17 aña di edad, a wordo tira den cara cu un shotgun den parking lot di un scol na Zoetermeer dia 31 di mei 2022, fiscal a revela despues cu dos hoben sospechoso a aparece dilanti hues diahuebs.
Fiscal ta demanda 20 luna di detencion hubenil y tratamento psicologo pa e dos sospechoso pa e “intento claro pa asesino”.
“Tabata un punto baho den e aumento di violencia entre gruponan di hoben,” Servicio di Fiscalia Publico (OM) a bisa.
E atardi ey, e hoben di 17 aña cu ta bin di Delft tabata canando bay auto despues di scol. E dos sospechonan a acerc’e, un mucha homber di 17 di Leidschendam y un mucha homber di 18 di Den Haag.
“E victima tabata sa inmediatamente cu algo tabata robes. El a wordo menasa pa basta tempo caba y a hasta wordo ataca prome tambe,” OM a bisa. “El a bula den e bahul di su mama y a cuminsa grita pa e core bay.”
E hoben di 18 aña a saca un cuchiu y a purba di kibra e bentana, pero esaki a fracasa, OM a conta. E hoben di 17 aña di Leidschendam e ora e saca un shotgun y a los tiro stret door di e bentana den cara di e victima.
“E victima por a sobrevivi solamente paso su mama a hib’e stret hospital, unda el a opera pa varios ora.”
Polis por a identifica facilmente e sospechosonan pasobra e hoben di 18 a laga tur cos cay for di su saco na e escena di crimen—airpods, telefon, su carchi di banco, y hasta su carchi di ID. El a wordo deteni e mesun atardi ey. E polis a logra detene e otro hoben di 17 dos dia despues.
Motibo pa e atake ta keda un misterio. E dos hobennan a confesa di nan crimen, pero fuera di esey, a keda keto.
“Ta claro cu e victima y e sospechosonan ta den gruponan cu tin pelea cu otro,” OM a bisa. Den pasado, e victima a hinca un otro hoben durante un conflicto di grupo. “Simplemente, ta parce cu vengansa tabata e motibo. Pero pakico e sospechosonan a bishita e hoben aki no ta claro.”
