(NLTimes) – Hobennan cu un nivel di educacion mas halto tin un oportunidad mas grandi di haya trabao compara cu prome cu e pandemia, un estudio di SEO Economic Research a trece dilanti.
Di otro banda, hobennan cu un nivel di educacion mas abao tin mas problema pa haya esaki compara cu prome cu e pandemia.
E pandemia a aumenta aun mas e desigualdad entre hobennan di educacion di nivel halto y abao.
Pa muchanan hoben, un educacion di nivel mas halto, e chens di haya un trabao a aumenta cu 2.2 porciento, compara cu prome cu e pandemia. Na mesun momento, e oportunidad pa personanan cu educacion di nivel mas abao a disminui. Hopi biaha, e ta mas facil pa personanan cu tin un educacion di nivel halto pa traha for di oficina na cas, mientras cu e otronan tin menos oportunidad di traha den un sector unda esaki ta facilmente posibel.
E investigacion conduci pa SEO tambe a ilustra cu hobennan tabata mas probabel di atrasa nan entrada na e mercado di trabao durante e pandemia y na luga di esaki ta opta pa sigui nan educacion. Segun SEO, mas o menos 23,000 hoben a opta pa haci esaki.
Hopi hoben a perde nan trabao na comienso di e pandemia pa motibo cu frecuentemente nan tabata traha den sector manera e industria di catering, cual a ricibi golpi particularmente fuerte pa causa di e medidanan di coronavirus of tabatin contract flexibel. Mas o menos 10 porciento di hendenan hoben a perde nan trabao den aña 2020.
