Un hoben di 19 aña a wordo deteni den estado di Kentucky, Louisville Merca, despues cu el a kita e bida di un mucha di 14 aña pa motibo di termento. Polis ta bisa cu un pelea a start entre dos grupo di mucha muhe na un stacion di gasolin na Louisville, Kentucky.
Tiffany James, 19, a hinca e victima cu un cuchiu, kende despues a wordo transporta cu urgencia pa hospital y fayece. Polis ta bisa cu e incidente aki ta parce di bini a base di diferente discusion y argumento cu tabata tin caba entre e hobennan aki. E wela di Tiffany James ta bisa cu James a defende su ruman muhe di 14 aña cu tabata victima di ‘bullying’ pa mas cu dos aña caba.
Polis tambe ta investigando e comentarionan cu a wordo haci riba social media via cual posiblemente por a premira e confrontacion aki.
