Hoben di 16 aña Eliza Wasni biba na ciudad di Chicago a pidi pa tres chauffeur di Uber riba 30 di mei. E di dos chauffeur a hib’e na e tienda Walmart den e pueblo di Skokie, unda camara di seguridad a capta e hoben ta cana rond y horta un machete cu cuchiu for di e tienda.
Ela text pa un tercer chauffeur di Uber anto Grant Nelson di 34 aña di edad a bin busk’e. Despues di agun minuut mes el a cuminsa hinca e homber aki. El a stop e vehiculo anto sali pafo.
E tabata gritando pafo di un lobby na Lincolnwood, 16km leu for di parti panort di Chicago anto 9 minuut leu for di Skokie den auto. E homber tabata suplica pa su bida gritando cu e ta bay muri. E hoben a purba di scapa den e auto di Nelson pero el a pega un caminda cu e auto anto core bay. E victima a desmaya anto transporta pa hospital caminda cu el a fayece. Autoridadnan a constata cu e acto di violencia aki no a wordo provoca den ningun manera.
