Leanne Nasser a roga su mayornan pa e bay Istanbul. Nunca el a yega di biaha den exterior pues nunca el a sali for di Israel. Su tres amigonan tabata bayendo e ciudad na Bosporus pa celebra aña nobo anto e kier a bay cu nan. Su tata a nenga esaki pasobra e tabata preocupa cu Istanbul no ta un luga sigur pues el a insisti pa su yiu keda cas. Su tia Layal Masarweh a interveni anto bisa cu e tog por bay.
“Su tata no tabata kier pa e sali. El a bisa cu Istanbul ta demasiado peligroso anto cu e no mester bay mes. Pero el a insisti bisando cu nada ta bay pasa cune,” Masarweh ta bisa CNN. Curpa di Nasser a wordo transporta riba 3 di Januari.
Atake
Un terorista cu supuestamente a grita “Allahu Akbar” prome cu a tira 39 hende morto den un discoteca na Istanbul riba aña nobo por wordo mira den e video aki algun momento durante e atake. Polis di Turkia a publica algun potret caba di e sospechoso principal mientras cu ainda nan ta keto bay buscando e. 24 di e victimanan cu a muri den e atake aki tabata di exterior. E horror a cuminsa ora cu un homber desconoci a yega pafo di un discoteca den un taxi den pleno celebracion di aña nobo.
El a tira un Polis mata cu tabata para pafo di e luga anto despues drenta e luga y cuminsa tira mas hende.
Fuente: CNN
