Hoben di 22 aña ta fayece despues di accidente cu auto

Diaranson marduga pa mas o menos 12:55 Central di Polis ta haya un melding di un accidente pisa poco mas pabou di Maily’s na Hooiberg. Na yegada di patruya nan ta topa un auto Toyota Soarer color preto numera A-9254.

Ariba caminda dos persona benta, di cual uno no tabata duna señal di bida y e otro seriamente herida. Ambulance y tur autoridadnan competente ta wordo pidi pa presenta na e sitio. Ambulance na su yegada no por haci nada mas pa un di e ocupantenan. E accidente mes a sucede momento cu nan tabata bin for di direccion di pariba, y den un auto cu tin hopi forsa ta perde control un poco mas pariba di Maiky’s, y ta bay termina mas pabou di e Hooiberg Supermarket.

Ambulance ta transporta e otro ocupante cu a  haya basta pa hospitaal, segun informacionnan ricibi di Vocero suplente Sra Rasmijn su situacion ta stabil.
Dokter Mungra pa 1:25 ta constata morto di Andrew Furgill Steven Wernet naci 8 di Maart 1994 di 22aña, naci na Aruba y tabata biba na Urataca 14 E.