Ministerio Publico na Limburg ta persiguiendo un mucha homber cu na september ultimo a los tiro, den un dobel intento di asesinato na un scol na Roermond. Tambe e mucha homber ta ser sospecha di abuso fisico, menasa y posesion ilicito di arma.
Tabata 14 di september di 2018 cu e mucha homber di 16 aña a drenta un scol pa estudio special, fuertemente arma. Tanto pafo como paden ela los algun tiro pero no a herida ningun hende. Docentenan na e scol a logra di domine prome cu e por a causa un desgracia. Te na e momento aki ta sospecha cu e causa di su intento ta bin pa motibio di discusion cu un otro alumno.
E caso lo mester a presenta caba dilanti di un hues specialisa den casonan di hoben, pero debi cu e partidonan involucra no por a presenta, e caso a ser posponi te cu juli benidero.
